Lansamentu kuda fore keli iha Munisipiu Covalima

 

Iha loron 17 Agostu 2017, Ministru Estadu Koordenador ba Asuntu Ekonómiku (MECAE) no Ministru Agrikultura no Peska (MAP), Eng. Estanislau Aleixo da Silva ofisialmente lansa kuda fore keli hamutuk hektar 75 iha Oebaba, postu administrativu Zumalai, Munisipiu Covalima. 


Iha lansamentu ne’e, akompaña husi Diretor Jeral Agrikultura no Hortikultura, Sr. Deolindo da Silva, Diretor Jeral Peskas, Sr. Acasio Guterres, no mos autoridade lokal sira husi Zumalai. 
Tuir Sua Exselensia MECAE-MAP Governu foun mai, sei fo prioridade ba iha agrikultura, atu bele hasae produsaun ai han, hanesan hare, batar, fore keli, fore mungu no mos tunis, tamba programa ida ne’e hola parte deversifikasaun ekonomia rai laran nian.


Alende programa ida ne’e, Ministeriu Agrikultura iha planu atu kuda tan fore mungu hamutuk hektar 277 iha Oebaba.